超感人!一個消息撐起辛迪卡索拉

2019年05月18日 01:05
東網電視
更多新聞短片

唔止足球睇波,仲有24小時滾動賠率,即時體驗:https://bit.ly/2UmNL0L 

曾經以為永遠唔可以重返足球場比賽嘅超級玻璃腳辛迪卡索拉,經歷過喺阿仙奴4年間傷患不絕嘅日子之後,舊年夏天佢回歸祖國西班牙,投身維拉利爾,結果佢今季黑氣盡去,全季為「黃色潛水艇」上陣45場,射入7球兼協助球隊打入歐霸盃8強。喺呢一列出色表現之後,換嚟係佢尋日以34歲之齡再次入選西班牙國家隊,認真感人呀!

呢位西班牙「魔術腳」話自己係操練完畢,先有隊友話佢知入選國家隊消息,令佢完全難以置信。至於今次入選感想,佢只想可以好好享受,然後盡力為球隊帶來貢獻。佢仲話多謝一直支持佢嘅人,仲有醫療團隊,依家感覺就好似以前首次入選一樣,都係出乎意料之外。嚟緊佢會改變假期計劃,因為要喺6月7號出戰法羅群島,然後係3日後鬥瑞典。