結婚冲喜？普巴靜靜雞娶老婆

曼聯季尾衰到貼地，連帶法國中場保羅普巴都日日畀人鬧，大家都好唔開心，不過點都好，球季已經完喇，有咩唔開心都下季至算，呢個時候有傳媒發現，普巴可能已經結咗婚，證據就係佢女友Zulay，社交網站個名跟咗普巴姓。

普巴嘅模特兒女友喺社交網改咗名做Zulaypogba，呢美女來自南美洲，佢多次去奧脫福睇比賽，同埋出席隊內頒獎禮，仲為普巴生咗1個細路，早已係公認嘅普巴嫂。

呢位美女原本叫MariaZulaySalaues，依家改名做Zulaypogba，證明兩人關係已經更進一步，至於係咪已經結咗婚，大家可以等方官方公布。