晉級升班決賽　林柏特帶隊浦吧隊酒慶功

《彩報》豪裝，入市即贏！撳撳呢條Link，寶藏等你拎：http://win.on.cc/football/　

日前英冠升班附加賽，林柏特帶領打比郡反勝列斯聯晉級決賽，賽後被傳媒揭發全隊去咗一間餐廳酒吧隊酒，英國《每日郵報》報道，有人檢獲一張帳單，總共飲咗209枝啤酒、65杯伏特加等等，消費總值2800鎊(約2.8萬港元)。

當晚贏波後，林柏特親自帶隊落一間命為The Kings Head嘅餐廳酒吧慶功，之後該張帳單在網上流傳，消息指當晚打比郡全隊都有參與，當中只有一人點咗一杯無糖可樂，其餘飲品都係酒精類，包括209枝啤酒、65杯伏特加、54杯桑布卡利口酒、38杯龍舌蘭、29杯威士忌。

咁飲法點會唔飲到啤啤夫呀？不過飲到幾醉都唔怕，升班決賽打比郡對阿士東維拉喺5月27日舉行，仲有個幾禮拜先到，飲多兩round都未驚過。