碧咸父子着紅魔新衫　有位公子做無間道

港網 No.1 24小時足球賠率：https://bit.ly/2UmNL0L　

碧咸貴為曼聯Icon，退休咁耐都同「紅魔鬼」緊密聯繫，日前碧咸就同3個囝囝喺昆士柏流浪個主場踢親子波，4父子着晒曼聯下季新波衫亮相，十足十人肉生招牌，3位公子布魯克林、羅密歐同告魯斯相當英俊。不過，有眼利網民就發現佢哋張合照唔多妥，事關二仔羅密歐居然暗地「反曼」，上身着曼聯波衫，但條波褲就係阿仙奴！

查實羅密歐一向都係阿仙奴Fans，之前已經去酋長球場睇愛隊比賽，又同奧斯爾、哥拉辛拿斯等阿仙奴球員合照。不過碧咸3個囝囝都冇打算「子承父業」去踢波，羅密歐打網球嘅天份似乎仲高，曾經獲保加利亞網球名將迪米杜夫讚好波，曼聯球迷應該唔使擔心碧咸囝囝會踢「兵工廠」。