【東體爭議】沙夏值1億鎊?曼聯簽佢有8折

2019年05月18日 11:07
東網電視
更多新聞短片

《彩報》豪裝,入市即贏!撳撳呢條Link,寶藏等你拎:http://win.on.cc/football/ 

今個夏天轉會窗,水晶宮前鋒韋費特沙夏將會成為超級搶手貨,呢位被譽為「Big 6」以外英超最佳球員,早前暗示希望離隊尋求新挑戰,立即引嚟各大豪門爭奪,不過水晶宮主席巴利殊多年嚟當佢係親生仔咁看待,據報想買佢嘅球會將要出價1億英鎊先有偈傾!

現年26歲嘅費韋特沙夏,今季英超交出10個入波同10次助攻,單對單過人能力亦屬英超頂尖級數,據報曼聯、阿仙奴,甚至係德甲多蒙特都對佢虎視眈眈,呢位科特迪瓦國腳希望去大球會都係人知常情,而水晶宮嘅1億鎊叫價亦好合理,要知道水晶宮可以護級,費韋特沙夏嘅功勞極大,如果賣走佢而搞到降班,條數肯定遠超1億英鎊!

據報曼聯對於回購韋費特沙夏好有興趣,事實上領隊蘇斯克查已經簽過佢1次,2013年佢執教卡迪夫城嗰陣,就曾經向曼聯借用呢位前鋒,可見「蘇B」對沙夏嘅能力好有信心。更重要嘅係,如果曼聯出手買人,將會得到8折優惠,因為曼聯當年賣沙夏畀水晶宮嗰陣,條款包括「下次轉會分帳20%」,即係水晶宮以1億鎊賣走沙夏,曼聯就分到2,000萬鎊,如果曼聯只已買番,當然就簡單得多啦!