最後展翅　德甲傳奇雙翼互訴心聲

收看直播，請按東網APP頂部的直播ICON；或按以下直播Link：http://tv.on.cc/live　

德甲周六(18號)晚煞科，東網將直播拜仁對法蘭克福，以及多蒙特作客慕遜加柏2場爭標關鍵大戰，兩場大波都喺晚上9時30分上演，東網2場都有得睇。拜仁慕尼黑對法福，唔單只係球隊爭取7連霸嘅生死戰，亦係德甲近10年「最強雙翼」列貝利同洛賓嘅告別戰。賽前消息指，呢對老將今場將會擔任後備，隨時候命為拜仁慕尼黑作出最後貢獻。德甲官網賽前亦特別訪問2位巨星，畀列貝利同洛賓互相告別。

荷蘭球星洛賓表示：「我唔想講得過份感性，但能夠同列貝利合作係我嘅光榮。我對列貝利充滿尊敬，因為我知道佢付出咗幾多努力，列貝利有今時今日嘅成就唔係天跌落嚟，對佢我只有無限敬意。」列貝利亦回應：「洛賓講得好啱，佢就係模範球員，自從我加盟拜仁以來，每日睇住佢無間斷咁練習，我問過自己好多次點解佢可以咁有毅力？呢啲就係洛賓嘅意志力，佢係所有年輕球員嘅榜樣。」

洛賓效力拜仁慕尼黑10季，一共入咗98球，今場爭取個人第8個德甲冠軍；列貝利效力拜仁慕尼黑12季入咗85球，今場如果順利捧盃，將係仍個人第9個德甲冠軍。呢個殿堂級嘅「Robbery」組合，可唔可以有個完美結局，今晚記得睇《東網》直播！

《彩報》豪裝，入市即贏！撳撳呢條Link，寶藏等你拎：http://win.on.cc/football/