唔係講笑!韋碧克復出踢歐霸盃決賽!

20190518
東網電視
更多新聞短片
港網 No.1 24小時足球賠率:https://bit.ly/2UmNL0L 
阿仙奴備戰歐霸盃決賽撼車路士,賽前爆出驚人消息,因傷缺陣超過半年嘅英格蘭前鋒韋碧克,近日已經全面復操,英國《每日郵報》爆料,阿仙奴領隊艾美利考慮選佢入大軍名單,隨時有機會喺決賽兼告別戰神奇復出!
因為安全問題,米希達利恩好可能唔會去阿塞拜疆踢決賽,令阿仙奴前線人手短缺,早前就為2位英格蘭U19翼鋒阿馬奇同沙卡申請免役,暗示會帶佢哋去踢決賽。不過隨住韋碧克全面復操,只要呢位前鋒證明自己有足夠狀態,落場機會自然大大增加。
阿仙奴早前宣布唔會同韋碧克續約,意味佢今個夏天就可以自由轉會,今場將會係佢代表阿仙奴最後一戰。韋碧克季初未受傷嗰陣狀態唔錯,喺歐霸盃上陣4場入2球,有機會成為決賽奇兵!