第4值2.6億　法福慕遜搶錢唔揸攤

收看直播，請按東網APP頂部的直播ICON；或按以下直播Link：http://tv.on.cc/live　

今晚德甲煞科，9場比賽同時開賽，基於榜尾形勢大定，焦點自然集中喺拜仁慕尼黑同多蒙特雙雄爭霸，但其實下屆歐聯同歐霸席位，對大部份德甲球隊亦十分重要，關乎龐大電視轉播收益，換言之喺積分表上半版前9名球隊當中，只有篤定第3嘅RB萊比錫係冇嘢爭，前兩名爭冠，4至9名仲衝緊歐戰入場券，包括拜仁同多蒙特嘅對手，法蘭克福同慕遜加柏，今晚都為「錢途」而戰，絕對不甘做拜多爭雄嘅配角。

根據德國權威網站《踢球者》報道，今季德甲獎金同國內＋歐戰嘅電視轉播收入分成再創新高，總共有14.85億歐元（約130億港元）畀德甲同德乙共36支球隊分享，當然要計算排名同轉播場次定多少，單計算聯賽，拜仁已經肯定分到6,540萬歐元（約5.7億港元），多蒙特亦有接近嘅6,410萬歐元，德甲分成最少嘅係杜塞爾多夫，都有2,540萬歐元，仲未計歐戰分成，如果能夠攞到下屆歐聯席位，就會多得約3,000萬歐元（約2.6億港元），攞到歐霸資格，都有約1,200萬歐元（約1億港元），所以今晚慕遜加柏、利華古遜同法蘭克福咁緊張前4，另外禾夫斯堡、賀芬咸同雲達不來梅都盡最後努力爭歐霸席位，全部都係錢作怪。

港網 No.1 24小時足球賠率：https://bit.ly/2UmNL0L