曼聯叻番次！超值價簽安達靴里拉接班人

《彩報》豪裝，入市即贏！撳撳呢條Link，寶藏等你拎：http://win.on.cc/football/　

曼聯中場安達靴里拉今個夏天約滿離隊，唔少球迷都認為球會「做錯決定」，不過錯完之後最重要係「知錯能改」，英國《每日星報》報道，「紅魔鬼」已經物色到安達靴里拉嘅繼任人選，而且只要畀得起「買斷費」就可以斟洽個人條件。

「紅魔鬼」目標人物係馬德里體育會中場湯馬士柏迪，呢位26歲加納國腳係硬朗型防中，活動力強兼有唔錯腳法，佢經理人早前證實湯馬士柏迪合約內有買斷條款：「我哋冇同任何球會斟介，但係柏迪合約內有5,000萬歐元買斷價，對於柏迪呢種級數嘅球員，呢個價錢真係超值。」