2022世界盃唔擴軍 中國球迷心碎!

2019年05月23日 12:00
東網電視
更多新聞短片

《彩報》豪裝,入市即贏!撳撳呢條Link,寶藏等你拎:http://win.on.cc/football/ 

國際足協宣布,2022年卡塔爾世界盃決賽周將會維持32隊角逐,擴軍至48隊嘅計劃最快要到2026年世界盃先至可以實現。擴軍失敗消息傳出後,中國球迷就最失望,原本佢哋諗住擴軍之後亞洲區出線名額大增,中國再戰世界盃決賽周機會大大增加,點知最後一場歡喜一場空。

國際足協會長恩法天奴證實,擴軍計劃需要多方面配合,例如可能需要多一個波斯灣國家協辦,加上物流、政治方面嘅考慮,冇可能喺6月份嘅死線前做出決定。原本消息指,如果擴軍到48強嘅話,亞洲區出線名額會由4.5個激增至8.5個,加上卡塔爾係主辦國,中國隊目前世界排名就係亞洲第8位,實現繼2002年後再戰決賽周嘅夢自然容易得多。

擴軍計劃告吹,中國球迷玻璃心亦碎到一地都係,大批網民灰爆留言:
@是__終空:世界盃擴軍又點?睇人哋虐待國足?不如將錢投放喺女足
@華仔:不如期望伊朗、日本、南韓、澳洲合辦一次世界盃好過
@騏霖:擴軍之後世界盃含金量大跌,入到又點?
@小Five:中國成為最早備戰2026年世盃嘅球隊
@Jason210:入到決賽周都係畀人用嚟刷得失球
@我軍不奪冠不改名:等擴充到192隊先至諗啦