【有片】舉重猛男恐怖斷腳 聽到骨折聲

20190524
東網電視
更多新聞短片
(互聯網)
日前喺俄羅斯卡巴羅斯克舉行嘅歐亞舉重錦標賽,出現咗一幕「驚慄斷腳三重奏」。一名俄羅斯選手進行第三次250公斤試舉嗰陣,因為雙腿不勝負荷,導致右腳嚴重骨折,「咔嘞」之聲傳入現場觀眾耳窩裡,教人不寒而慄。
從片段中睇到,其實周邊已經有5名工作人員喺度,當參賽者拉多斯克域治第三次嘗試舉起250公斤嘅槓鈴時,雙腳支撐唔佳,右腳瞬間彎曲,繼而三重骨折。由於成個過程實在太快,工作人員根本趕唔切阻止悲劇發生。
呢位年僅20歲嘅舉重好手本來前途光明,面對呢次摧毀性嘅受傷,佢自己都好絕望:「我應該好難再做番運動員,我為舉重付出過好多,但依家必須暫停去諗將來,因為呢次可能需要用長達半年時間嚟康復。」
東網體育FB同你追實體壇每個精彩時刻!
Follow東網體育IG一齊撐本地運動員!