孫興民遭種族歧視　竟然同DVD有關

《彩報》豪裝，入市即贏！撳撳呢條Link，寶藏等你拎：http://win.on.cc/football/　

歐洲賽場時不時都出現種族歧視事件，熱刺南韓天王孫興民都不能倖免，而今次事件牽涉到一件上世代嘅玩意，就係DVD嘞。英國《衛報》報道，英國警方拘捕1名球迷，涉嫌在比賽期間向孫興民作出種族歧視行為，而佢嘅行為，就係向孫興民大叫「DVD」！

DVD？乜仲有人用呢個方法睇戲嘅咩？依家個個都下載睇戲啦。原來喺倫敦嗌DVD，係同種族歧視有關，話說好多年前，倫敦東部聚集一批亞洲裔人士，以售賣DVD為生，所以DVD亦成為譏諷底層黃種人嘅歧視言語。

孫興民在英超賽場比賽，已不止一次受到韋斯咸球迷侮辱，今次警方介入嘅案件事發於去年10月熱刺對韋斯咸賽事，孫興民該仗梅開二度，期間有球迷大叫DVD，結果呢位球迷亦被警方拘捕，判以罰款同埋禁止入場等處分。