郤奧斯續約　皇馬仲要唔要普巴？

皇馬早前宣布同卻奧斯續約4年，有報道指，保羅普巴對於此事感到驚訝，原因係普巴一直以為卻奧斯會離隊，佢嘅位置就由普巴取代，點知件事完全唔係佢咁諗，似乎普巴要留番喺曼聯喎。

西班牙《阿斯報》報道，普巴同經理人拉伊奧拉一直同皇馬斟介加盟事宜，仲講好咗卻奧斯讓位畀普巴，但事態發展並唔係咁，卻奧斯續約後更表示，就算皇馬簽入普巴，自己都唔會讓位畀佢。

報道指，由於卻奧斯已續約，收購普巴變得唔係咁急切，可以慢慢傾，在位置上皇馬最想要嘅並非普巴，而係基斯甸艾歷臣，令普巴轉投皇馬機會又再低啲。