【RIP】哥倫比亞國腳橫屍荒野 死因不明

20190524
東網電視
更多新聞短片
《彩報》豪裝,入市即贏!撳撳呢條Link,寶藏等你拎:http://win.on.cc/football/ 
哥倫比亞球壇發生慘劇!22歲哥倫比亞女足成員萊迪艾斯派拿(Leidy Asprilla),失蹤幾日之後,被發現橫屍荒野,身上財物又完整無缺,案件非常離奇。
Leidy係哥倫比亞女足國腳,仲曾經入選過U17同U20青年軍,星期日約咗一個女性朋友一齊去練波,點知出門之後一去無蹤,屋企人最初以為佢畀人綁架咗,公開呼籲綁匪放人,警方亦懸賞500萬比索(約1.2萬港元)尋找線索。
可惜到咗周三喺El Cerrito市到Corzo山谷省Rozo嘅一條樹木繁茂道路上,發現咗Leidy嘅屍體,奇怪嘅係,佢身上所有財物,包括波衫都冇唔見到,佢架電單車就喺距離屍體幾米之外。佢班隊友收到消息,都去咗現場了解情況,個個神情悲傷。
警方初步調查後,認為「冇任何暴力跡象」,又話發現有電單車煞車痕跡,所以唔排除係意外,不過一切要等驗屍報告查明致命原因。