羅拔仔起孖 拜仁奪德盃雙冠收工

20190526
東網電視
更多新聞短片
(法新社圖片)
德國盃決賽周日(26日)凌晨假柏林上演,由RB萊比錫對拜仁慕尼黑,早前已奪取德甲冠軍嘅拜仁在德國盃再下一城,以3比0大勝捧盃,順利成為德國雙冠王。
比賽初段萊比錫有領先機會,11分鐘尤素夫保臣頭槌攻門中楣彈出,錯失機會,29分鐘拜仁領先,阿拉巴左路落底傳中,羅拔利雲度夫斯基頭槌頂成1比0。
一路踢到78分鐘,拜仁另一攻門,京士利高文禁區頂亂軍中控定一扣再推順,面對龍門勁射破網,為拜仁攻入燕梳球贏到2比0,85分鐘甘美治長傳,羅拔仔接應單刀挑射笠過對方門將入網,個人梅開二度,協助拜仁以3比0獲勝,贏得球隊史上第19次德國盃冠軍。