卡尼上到機！歐聯決賽強勢復出

歐洲主流球季已完，全球球迷都等緊睇歐聯決賽，歷史性殺入決賽嘅熱刺將惡鬥利物浦。熱刺大戰前夕有好消息，球隊將於周三飛赴馬德里備戰，王牌前鋒哈利卡尼肯定會隨隊，預計於決賽必會上陣。

卡尼於歐聯8強首回合，畀曼城戴爾夫踩到重傷，本身有傳佢已收咧，但因為熱刺打入歐聯決賽，將球隊收咧時間推遲到6月1號，所以卡尼仲有落場機會。卡尼早前已同維頓漢、達雲臣山齊士兩名傷將再踩草皮，佢亦講過傷情進展良好，希望於決賽上陣。

英媒透露，熱刺將於周三飛到馬德里作最後備戰，卡尼肯定會隨隊出征，而球會方面亦都會細心研究佢傷情，盡力協助佢於呢場球會史上最重要一戰中復出。普捷天奴表示：「對於出唔出卡尼，冇話啱定唔啱。如果捧盃，就會話我匠心獨運，相反就係全球最差教頭，成績會決定一切。」