【賽後解碼】C朗扭唔過VVD 先至贏波

20190610
東網電視
更多新聞短片
(法新社圖片)
歐國聯決賽一大焦點係C朗同華基爾雲迪積克(VVD)嘅「矛盾之戰」,荷蘭中堅雲迪積克加盟利物浦後,無論喺球會同國家隊,超過60場都未畀對手扭過,連美斯都扭唔過佢,當全世界都睇緊C朗,今場可唔可以扭過VVD時,結果令人失望。
事關兩人今場只有2次正面交鋒機會,第1次係12分鐘,C朗同雲迪積克加撞埋一齊,C朗倒地,但球證並冇吹罰。
另一次係28分鐘,C朗殺入禁區右路起腳,但被雲迪積克擋出底線,所以VVD可以話係成功「封殺」C朗。
不過,要留意C朗今場墜得比較後,更注重為隊友鋪橋搭路,反而佢同荷蘭中場法蘭基迪莊有更多交手機會。
可見C朗已經唔在意自己有冇波入,最重要係可以贏波,比賽末段佢甚至返到自己禁區,用插水式頭槌瓦解對手攻勢。因此,相信C朗完全唔會在意今場是否扭過華基爾雲迪積克。
立即參加「賞您睇」:http://bit.ly/2JWKULh 
Click下面粒掣,儲on.cc coins!機票、家電、超市禮券、過萬份獎品等緊你。