【英超新季】命中注定！紅軍壓曼城奪冠

英超新季剛啱公布賽程，2支奪標熱門曼城同利物浦，首場將會鬥韋斯咸同諾域治。利物浦上季雖然奪得97分，但仍以1分之微鬥唔過曼城奪亞，新季將會趁奪歐聯錦標強勢，再度挑戰藍月亮王朝，阻止曼城英超3連霸。有個數據顯示，利物浦會冥冥中壓到對手奪標。

原來有史以來，利物浦於聯賽首輪只試過1次對諾域治，當時紅軍小勝1:0完場。當時係1976/77年球季，最後紅軍就係力壓曼城而奪標，件事的確勁巧合。不過利物浦真係要挑戰曼城，今季的確係荊棘滿途，因為球隊除了要衞冕歐聯冠軍外，12月時仲要兼顧世界冠軍球會盃，而到目前利物浦仲未於轉會市場有任何買人動作，反而就率先放走史杜列治同艾拔圖摩蘭奴，高普真係要好好諗諗夠唔夠人應付咁多線作戰。