呢一年　尼馬身價直插谷底

「美洲國家盃」全天候至強盤路資訊，一網睇晒：

https://bit.ly/2wOTjaV　

兩年前，巴西王牌尼馬以破世界紀錄嘅2.22億歐元由巴塞隆拿轉投巴黎聖日耳門，轟動全球，但兩年過去，PSG呢單買賣肯定係蝕大本，究竟蝕幾多？《CIES》最新公布歐洲5大聯賽球員身價榜顯示，尼馬市價跌到剩番1.24億歐元，比兩年前嘅世界紀錄少咗大約1億歐元(約8.9億港元)。

PSG向來係水魚，呢一點毋庸置疑，收購尼馬畀人搵笨就肯定嘅，去年世界盃巴西爭標失利，尼馬更被封為「碌神」，當時其身價已有下降趨勢，但都能徘徊於2億歐元左右。

嚟到今季真係出事，尼馬在PSG爭標重要關頭舊傷復發，錯過歐聯16強賽事，結果球隊被曼聯淘汰，而今季PSG接連在法聯盃及法足盃衞冕失敗，只贏得法甲冠軍，而最近尼馬再度受傷，並捲入強姦案直接令皇馬放棄斟介，形象負面到極，導致身價直線下降，竟由前5名急跌至17位，認真大鑊。

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。