重提歐聯輸波大逆轉　哨牙蘇：成世最慘

「美洲國家盃」全天候至強盤路資訊，一網睇晒：

https://bit.ly/2wOTjaV　

利物浦勇奪上屆歐聯錦標，捧盃過程出現多個經典時刻，其中於4強次回合反勝巴塞隆拿4球，簡直係紅軍於球會史上，其中1場最令人難忘嘅賽事。有人歡喜就有人愁，巴塞首回合領先3球最後都未能殺入決賽，一班球星嘅心理陰影面積，相信大到同黑洞有得揮。

首回合為巴塞先開紀錄、建功後瘋狂慶祝嘅前利物浦前鋒蘇亞雷斯，再次提番出局經歷，承認往後幾日係佢人生中最慘時期：「返到巴塞之後嗰幾日，唔單只係我職業生涯，仲係我人生中最慘嘅一段時間。對上一次咁傷心已經係2014年世界盃，我簡直想於世界上消失。我唔想湊細路返學，大家都深深感受到我有幾傷心。有一段時間值頭咩都唔想做。」

被問到有冇諗過會倒輸出局，哨牙蘇話：「完全冇，因為我哋係巴塞隆拿。雖然有2、3個入波機會，但球員太緊張了，最後都愚蠢地錯過了，球員落場態度亦都曳。當對手入咗第1球後，巴塞就不知所措，嗰陣我就知大鑊。完場之後，成隊都冇出過一粒聲。」