車路士傾掂林柏特　傳奇班底熱血回歸！

「美洲國家盃」全天候至強盤路資訊，一網睇晒：https://bit.ly/2wOTjaV　

英國多個傳媒報道，車路士同意放領隊沙利去祖雲達斯後，已經閃電埋班，傳奇球星林柏特將會重返車仔接掌帥印，而多位昔日戰友都會回歸，包括杜奧巴、馬基列尼同施治等等。

延伸閱讀：【轉會禁令點樣拆？林柏特有計！】

https://bit.ly/2RloioC　

據《每日鏡報》爆料，車路士將會向打比郡支付400萬鎊「贖身費」帶走林柏特，而林柏特較早前已經同車仔傾掂個人條件，上任只係時間問題，消息指林柏特更已經開始籌組自己班底，上星期佢同杜奧巴喺倫敦會面，據聞就係邀請該科特迪瓦前鋒加入教練團，法國中場馬基列尼亦係其中一個獲邀名將，加上林柏特會帶埋打比郡副手摩利士(車路士青訓產品)過檔，以及將會回巢做總監嘅門將施治，呢個班底絕對勾起車迷唔少美好回憶。

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。