【特稿】轉會禁令點樣拆？林柏特有計！

港網 No.1 24小時足球賠率：https://bit.ly/2UmNL0L　

林柏特執教車路士已經事在必行，呢位只有1年主帥經驗嘅車仔名將，即使第1季教打比郡贏盡掌聲，但佢可唔可以駕馭車路士仍然受到唔少質疑，尤其車路士今個夏天開始為「禁買令」服刑，林柏特連執隊波嘅機會都冇，更加係一大考驗。

車路士雖然唔可以買人，但係佢哋本身已經養落一大批外借球員，「禁買令」唔會妨礙佢哋回收借將，意味法國中場泰莫爾巴卡約高、比利時前鋒巴舒亞伊、法國守將葛特蘇馬等球星隨時可以歸隊。不過，呢班明星外借兵係咪回歸仍有待商榷，因為林柏特對另一班外借兵團更有興趣。

上季英冠狂入25球、效力阿士東維拉嘅英格蘭前鋒譚美阿巴謙、上季跟林柏特踢打比郡嘅中場美臣蒙特同中堅湯姆利，都係林柏特決意提攜嘅英格蘭青訓，唔好忘記林柏特副手摩利士曾經教過車路士青年軍5年，培育新人肯定會係車路士下季一大方向，「禁買令」正好畀林柏特展開呢條未來之路。

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。