食咗誠實豆沙包　賴恩費沙：我值咁貴？

般尼茅夫中場賴恩費沙，上季表現一鳴驚人，攻入7個英超入球、貢獻13個助攻，難怪吸引大會注意。據英媒披露阿仙奴希望搵佢做艾朗藍斯繼承人，不過般尼茅夫將佢標價3000萬鎊，賴恩費沙想離隊都好難。

呢名蘇格蘭國腳剛啱接受訪問，佢好老實咁講：「得到阿仙奴呢種級數嘅球會垂青，我當然開心，但真心覺得唔會有任何球會，會用3000萬鎊嚟買賴恩費沙。所以我只能等待，如果有事發生當然好，但冇我都冇辦法。」阿仙奴來季再度失去歐聯席位，盛傳老細高安基只願畀領隊艾美利4000萬鎊增兵，要艾帥畀當中4分3去買賴恩費沙，機會極微。

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。