羅拔臣話你知 VVD究竟勁成點

20190616
東網電視
更多新聞短片
(Getty Images)
利物浦中堅華基爾雲迪積克,自於18年1月加盟後,帶領紅軍愈踢愈好,幾乎以個人之力拯救球隊積弱多年嘅後防,協助球隊上季英超勇奪97分,更連續殺入2屆歐聯決賽,並於馬德里成歐洲冠軍。VVD更成為今屆金球獎有力爭逐者,呢名荷蘭隊長,或者就係當今世界球壇第一中堅。
利物浦左閘安德魯羅拔臣,近季亦成為球隊重臣,佢詳細向記者表示,VVD究竟有幾勁:「佢實在帶畀利物浦太多。雖然加盟唔耐,但已成為更衣室中其中一個領袖。佢喺場外亦都係個好好嘅人,VVD就係紅軍成功關鍵。所有喺佢身邊作戰嘅隊友,表現都大大提升,祖爾麥迪比自季中起無所不能,祖高美斯於季初亦有完美演出。VVD可謂無與倫比,佢於場內場外都咁重要。」
立即參加「賞您睇」:http://bit.ly/2JWKULh 
Click下面粒掣,儲on.cc coins!機票、家電、超市禮券、過萬份獎品等緊你。