正式攤牌!普巴終於開口話要走
港網 No.1 24小時足球賠率:https://bit.ly/2UmNL0L 

關於曼聯中場保羅普巴嘅轉會傳聞滿天飛,呢位法國國腳近日來到亞洲出席商業活動期間,終於開腔作出回應,表示係時候接受新挑戰,意味佢已經下定決心要轉投皇馬。

保羅普巴喺日本東京為贊助商做宣傳,並同相撲手合照,佢被傳媒問到去留問題時,就話:「我已經喺曼聯3年,而且表現唔錯,有美好時刻,亦有唔好時候,就同其他球員一樣。我認為今季係我表現最佳一季,經過呢一季之後,我認為去其他地方接受新挑戰嘅時機已經到咗,我正在考慮呢個問題。」

近期一直傳皇馬同祖雲達斯都想簽普巴,但佢依家話要挑受新挑戰,意味唔會重返祖記,而係去皇馬。西班牙同英國傳媒日前都指普巴會以罷操,逼曼聯放佢走,睇來普巴上「艦」只係時間問題。

立即參加「賞您睇」:http://bit.ly/2JWKULh 
Click下面粒掣,儲on.cc coins!機票、家電、超市禮券、過萬份獎品等緊你。