1億歐＋3巨星　巴塞買硬尼馬！

「美洲國家盃」全天候至強盤路資訊，一網睇晒：https://bit.ly/2wOTjaV　

巴西巨星尼馬近日醜聞纏身，不過巴塞對呢名前球員依然極有興趣，希望佢今夏回歸球隊，同美斯及蘇亞雷斯重組MSN鋒線！尼馬2季前以2.22億歐元天價轉投巴黎聖日耳門，可惜未能帶領球隊挑戰歐聯冠軍，事業可謂停滯不前；巴塞亦未能於歐聯大放光芒，所以極欲回購呢名前球星，來季誓要重振雄風。

尼馬於PSG嘅首席球星之位，被基利安麥巴比嚴重威脅，而且亦一直盛傳佢依然掛住巴塞；另外PSG近2季成績平平無奇，尼馬仲於法國被指強姦，早前會長艾卡理化仲話，球員嚟到PSG唔係玩，而係嚟爭取成績，如果邊個唔同意呢個論點可以隨時離開，矛頭直指尼馬。

據西班牙傳媒報道，巴塞已擬好回購尼馬方案，就係以1億歐元現金，再另加拿傑錫迪、奧士文尼迪比利及烏姆迪迪3大球星作出收購。17年奧士文尼迪比利就以過億歐元由多蒙特加盟巴塞，依家再加埋另外2名球員，3人身價估計約值1.5億歐元，唔知PSG對呢個方案收唔收貨呢？

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。