羅馬里奧夠堅　撻着22歲超正學生妹

咩叫人生贏家，羅馬里奧肯定係其中一個！呢名巴西殿堂級經典射手，94年同白必圖組成夢幻前鋒組合，為巴西勇奪世界盃，可以話係足球史上其中一個最勁射手。除咗踢波叻之外，佢追女仔更係勁到震，最近就同細過自己31年、樣靚身材正嘅女學生撻着，阿女學生仲於網上向佢示愛！

53歲嘅羅馬里奧，喺今年5月開始同只得22歲嘅Ana Nazario拍拖，據報Ana依家仲係讀緊書。佢最近擺咗張同羅馬里奧嘅合照上網，佢話：「每個人出現喺你生命當中，背後總有原因，而你嘅出現，令我學識咩叫愛。只得我明白自己對你嘅真實感受，你就係愛、驕傲同渴望嘅混合體！」

羅馬里奧一向係追女聖手，號稱自己曾同超過1000個女仔發生性關係，亦試過曾於1日之內，同3個唔同嘅女性上床，果然夠堅。

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。