靴里拉解畫離開曼聯:感受唔到重視

2019年07月09日 06:23
東網電視
更多新聞短片
(法新社)

前曼聯「民選隊長」安達靴里拉,直指紅魔對佢誠意唔夠,口講話想佢留隊,但又遲遲唔畀合約,所以決心轉投巴黎聖日耳門。自於畢爾包入魔後,靴里拉成魔迷寵兒,佢於訪問中表示於紅魔留下極多回憶,但於曼聯身上感覺不到受重視,故轉投PSG令佢非常高興。

靴里拉今夏以自由身加盟巴黎聖日耳門,將披上21號波衫。接受馬卡報訪問時講到曼聯往事,靴里拉道:「我其實唔係好鍾意講以前嘅嘢。不過喺同曼聯嘅商討入面,對球會未來發展,以及我喺隊中嘅角色有分歧。我喺曼聯度過一段開心日子,我要多謝球會、球迷同蘇斯克查。後者不斷說服我留底,不過事情發展非我預期。球會好遲先畀合約我,但嗰陣我已決心轉投PSG。對呢個決定,我覺得好滿意。」

靴里拉言下之意,明顯指曼聯講一套做一套,當感受唔到重視唯有轉會。不過亦有指靴里拉想要35萬鎊周薪,曼聯未能滿足,所以佢決定走人。

立即參加「賞您睇」:http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。