沙利開名要簽　祖記硬撬加比爾捷西斯

唔止足球睇波，仲有24小時滾動賠率，即時體驗：https://bit.ly/2UmNL0L　

祖雲達斯鋒線老化，C朗、文迪蘇傑分別已經34、33歲，會方積極物色新前鋒，繼之前傳出想買曼聯射手盧卡古之後，依家又計劃收購曼城前鋒加比爾捷西斯。據悉，祖記新帥沙利開名要簽呢位22歲巴西國腳，相信會出重金，利誘曼城放人。

沙利上季執教車路士，對加比爾捷西斯留下深刻印象，佢亦已經向祖記高層提出，希望簽入呢位射手。

綽號「耶穌仔」嘅加比爾捷西斯上季並唔受曼城領隊哥迪奧拿重用，喺英超只入7球，甚至多次傳出想賣走佢。

不過，加比爾捷西斯喺今屆美洲國家盃表現唔錯，包括喺決賽射入1球，協助巴西擊敗秘魯，奪得冠軍。祖雲達斯依家提出收購，恐怕曼城未必咁輕易放人。

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。