仲未過數！巴塞為簽基沙文跑山

唔止足球睇波，仲有24小時滾動賠率，即時體驗：https://bit.ly/2UmNL0L　

上周馬體會出聲明喪鬧巴塞，話對方非法接觸法國前鋒基沙文，但支付違約金上又扭扭擰擰，仲想分期付款添！最後基沙文揚言罷操都要轉會，大家以為事件告一斷落，點知最後又係巴塞唔爭氣，都依家都未畀錢，西班牙傳媒報道，巴塞為完成轉會，依家跑緊山。

《電視6台》報道，馬體會將基沙文嘅違約金定為1.2億歐元，收少個崩都肯過你，但可惜巴塞手頭上冇咁多現金，要一次過支付咁大筆資金，難免周轉困難，所以提出分期付款，不過馬體會唔答應，出現僵局。

據報道，巴塞正全力班水，等緊一筆為數9000萬歐元嘅貸款，不過跑完山都仲未湊足錢，所以呢單轉會都仲有變數。

立即參加「賞您睇」：http://bit.ly/2JWKULh