睇唔起曼聯?光輝主帥派囝囝落場戥腳

2019年07月13日 11:02
東網電視
更多新聞短片

曼聯周六(13號)晚會進行首場季前熱身賽,對手係澳職勁旅珀斯光輝,不過賽前消息就話珀斯光輝將會讓齊車馬炮,至少6個主將唔會上陣,教練普波域更暗示會派自己兩個分別得17歲同15歲嘅囝囝上陣,認真唔畀面喎!

展開季前集訓冇耐嘅珀斯光輝,雖然將會挑英超勁旅曼聯,不過安迪基奧治、迪亞高卡斯度同史柏拉洛域等6位星級外援同澳洲國腳就選擇繼續度假,珀斯光輝被逼要用新人練習,教練普波域2位公子,17歲嘅基斯甸同15歲嘅加比爾,如無意外都會喺今場比賽上陣。

普波域表示:「我兩個仔都可能會上陣,作為老竇我當然覺得光榮,呢個機會(對曼聯)係呢班小將應得嘅,好似羅連斯仲細過我個仔,佢都有機會落場踢一陣。」普波域仲爆料話加比爾係曼聯超級球迷:「佢從唔會錯過曼聯任何一場賽事,不過我希望佢落場嗰陣要收起粉絲嘅心情。」

立即參加「賞您睇」:http://bit.ly/2JWKULh 
Click下面粒掣,儲on.cc coins!機票、家電、超市禮券、過萬份獎品等緊你。