富咸翻版？維拉燒錢突破1億英鎊大關！

要喺英超立足絕對唔容易，新球季重返英超嘅老牌球隊阿士東維拉，今個暑假就大展拳腳。英國傳媒報道，維拉即將完成多3單收購，令球隊喺呢個轉會窗開支突破1億英鎊大關！不過話分兩頭，上季富咸升班後同樣狂燒超過1億英鎊買人，但最終落得「升降機」下場，維拉球迷都唔好開心得太早。

英國《太陽報》報道，維拉傾掂1,500萬鎊簽入曼城嘅巴西小將杜格拉斯雷斯，呢位上季外借基羅納嘅中場只係差轉會紙就可以加盟；另外1,000鎊收購埃及翼鋒查斯古特，以及900萬鎊簽比利時中堅比莊安祖斯亦已經七七八八，3位新兵可望日內加盟。

維拉早前已經用2,600萬鎊買泰朗明斯、2,200萬鎊簽巴西前鋒衛斯理摩拉斯等等，燒7,600萬鎊買入7名新球員，加埋嚟緊3個新兵，總花費就超過1人億鎊，認真揼本！

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。