港超聯 標流3子北上富力R&F試腳

2019年07月13日 15:31
東網電視
更多新聞短片
3位標準流浪球員謝偉俊、鄧樂文和鍾昇霖,獲得到富力R&F試腳的機會。 (資料圖片)

新一季幾可肯定重返港超的標準流浪,周六(13日)下午透過球隊facebook專頁宣布,未來將與富力R&F加強在青訓工作方面之合作,並安排旗下3名年青球員鄧樂文、鍾昇霖和謝偉俊,北上隨富力R&F「試腳」。標準流浪總監李輝立表示:「對幾個後生仔嚟講,呢次係好難得嘅機會,博到一紙合約當然好,就算未能如願,可以開吓眼界,開季前操弗啲自己都唔錯呀!畀心機啦!」

因中甲球隊梅州客家陣中港將徐宏傑之關係,令不少國內球圈人士認識到標準流浪,乃青訓搖籃,據李輝立透露是次與富力R&F之合作,在有關人士穿針引線下,可謂一拍即合。「多得徐宏傑啦!多得佢喺上邊咁生性,令標準流浪都多咗國內球圈人士認識,知我哋一直以嚟資源唔多,但喺青訓方面都算有唔錯嘅成績。今次安排佢哋3個上去試吓,可以話係一個試點,咩結果都好,我相信對之後嘅合作,都可以起到正面嘅作用。」「立立」謂。

「立立」指出早於前季作客富力,個別標準流浪球員的表現已被主隊教練團留意到,故今次北上試腳3子中,包括了曾在燕子崗入波的鄧樂文。「佢哋3個同標準流浪都有合約嘅,如果今次係得到富力垂青嘅咪轉會囉,唔得咪畀心機喺香港踢,將來有機會再試過,無損失嘅。」

李輝立補充謂富力R&F會方已答允,在下月出外集訓期間,借出訓練場地供標準流浪使用,為此深表感激。