巴塞多貨要散　阿仙奴執雞借超強射手

巴塞剛以1.2億歐元簽入馬體會前鋒基沙文，仲有傳會再繼續跟望尼馬，加上原本鋒將美斯、蘇亞雷斯及奧士文尼迪比利，鋒線人才過剩，當然希望從中散貨。西班牙媒指今個轉會窗得4000萬鎊左右預算買人嘅阿仙奴，希望借入巴西射手馬爾甘1季，出年夏天強制買斷。

馬爾甘上個夏天以3700萬鎊由法甲波爾多轉會巴塞，但上季僅得6次西甲正選上陣機會，只取得1個聯賽入球。依家仲多個基沙文，呢名巴西U23成員應該都希望離隊。阿仙奴今年1月已希望借得馬爾甘，但最後巴塞唔肯放人，兵工廠只能借到丹尼斯蘇亞雷斯，今個夏天再次跟望馬爾甘，應該可以如願以償。

立即參加「賞您睇」：http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。