普巴得番一間球會揀 皇馬祖記邊隊放棄?
20190713
東網電視
更多新聞短片
(互聯網)
曼聯王牌中場保羅普巴,早前明確表示希望今日離開曼聯,依家雖然隨紅魔鬼到澳洲集訓,但一直都只係等緊皇馬同祖雲達斯出手斟介。但據英國《每日郵報》報道,因為曼聯索價1.5億鎊轉會費,已經嚇窒咗祖雲達斯,副會長尼維特已知會普巴經理人拉奧拿話放棄收購。
普巴轉會曼聯後表現時好時壞,但其質素毋庸置疑,而且上個夏天亦係法國勇奪世界盃嘅主力功臣,而且今年26歲,未來仲係大把世界,所以就算曼聯真係放人,都要收番1.5億鎊。曼聯企硬呢個高價,某程度上就係想擊敗皇馬同祖雲達斯,依家已成功咗一半。
《每日郵報》披露,祖雲達斯的確希望將普巴帶返都靈,不過最多只願畀1.2億鎊,同曼聯索價仲有一段距離。經過深思熟慮後,祖記已通知拉奧拿會買其他球員,故如果普巴真係「脫魔」,只會過檔皇馬跟施丹搵食。
立即參加「賞您睇」:http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。