馬體會截胡搶J神 搞到變皇馬B隊

20190714
東網電視
更多新聞短片
(Getty Images)
西甲勁旅馬德里體育會今夏轉會市場動作多多,出入都過億歐元,一方面用1.26億歐元收購「新C朗」祖奧菲歷斯,另一方面以1.2億歐元賣走基沙文,重量級交易仲陸續有來。
根據西班牙《阿斯報》爆料,馬體會下一筆收購將會係同市死敵皇馬嘅中場占士洛迪古斯。
呢位28歲哥倫比亞國腳近2季被皇馬外借去拜仁慕尼黑,「銀河艦隊」已無意收番佢,盛傳「J神」會轉投拿玻里,但交易出現阻滯,預料好大機會失敗,馬體會趁機想簽入「敵將」。
馬體會認為占士洛迪古斯曾效力皇馬3季,熟悉西甲風格,對皇馬更加瞭若指掌,有助球隊應付死敵,亦可以減低基沙文離隊嘅影響。
事實上,馬體會近年似乎對皇馬球員情有獨鍾,早前向車路士買斷皇馬出品嘅射手艾華路莫拉達,以及簽入皇馬中場馬高斯洛蘭迪,如果買埋J神,就真係可以組成一個「皇馬舊生會」。
立即參加「賞您睇」:http://bit.ly/2JWKULh 
Click下面粒掣,儲on.cc coins!機票、家電、超市禮券、過萬份獎品等緊你。