準備去曼聯　馬古尼向李城提出離隊

唔止足球睇波，仲有24小時滾動賠率，即時體驗：https://bit.ly/2UmNL0L　

經過一輪討價還價，仲有費爵爺幫口，李斯特城中堅哈利馬古尼轉投曼聯有突破進展，英國《鏡報》報道，曼聯已將叫價提高到破世界紀錄嘅8000萬鎊(約7.9億港元)，馬古尼亦向球會提出離隊意願，裏應外合之下，呢單世紀交易再無障礙。

曼聯上季已經想簽該位26歲英格蘭中堅，但唔成功，不過當時馬古尼與李城有默契，再留效一季後便會離隊，早前傳媒提到，費格遜早在7年前曾親自致電馬古尼，鼓勵佢努力比賽，有朝一日加盟大球會，現時正是馬古尼實現夢想之時。

為斟介馬古尼，曼聯在轉會費上不斷加碼，已經加到8000萬鎊，超越利物浦中堅華基爾雲迪積克，打破最高身價中堅世界紀錄，至於馬古尼已向李城領隊羅渣士，以及一眾隊友表達離隊願向，相信曼聯同李城都希望盡快完成交易，及早計劃新球季。

立即參加「賞您睇」：http://bit.ly/2JWKULh