大鑊！護照出問題　曼城中國之旅......

英超班霸曼城嚟緊會嚟中國南京出戰英超亞洲盃，本來大軍尋日就應該坐專機出發，啟程東來，不過之後因為發生行政問題，搞到要延遲一日上機，依家都唔知會唔會影響嚟緊比賽賽程。

曼城今日就發咗聲明話，受到球會控制以外嘅因素，所以遲咗出發，兼延遲展開佢哋嘅季前熱身賽，但同時強調問題已經得到解決，只係要改喺周日出發，並期待可以如期出戰英超亞洲盃。至於根據《鏡報》報道，原來曼城上下喺周六根本已經全隊抵遲曼徹斯特機場，甚至連部專機都已經停咗喺二號大樓，只係當職球員去辦理登機手續，竟然有部份人護照簽證出問題，所以先被逼改期起飛。

曼城會喺嚟緊周三先喺南京鬥西布朗，然之後會視乎賽果睇吓再鬥紐卡素定狼隊。相信佢哋就算再遲抵達中國，都應該唔會影響到再之後嚟香港鬥傑志場波嘅。

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。