皇馬陰濕壓價　等待真空期出手

曼聯中場保羅普巴會否轉投皇馬，仍然未明朗，英國《每日郵報》爆料，指紅魔鬼已經為出售呢位法國國腳，設下死線，就係8月8日英超轉會關閉前，如果仲傾唔掂數，就一定唔賣。不過，由於西甲轉會窗9月2日先至關閉，皇馬可能等普巴「發難」，再以較低價錢簽佢。

據悉，曼聯將保羅普巴標價為1.5億鎊，但皇馬只願出1億鎊，兩大豪門互不相讓。不過，球員身價往往因為表現而變動，即使紅魔鬼將出售普巴死線定為8月8日，但如果英超開鑼後，普巴表現差，甚至同球會反目，曼聯可能被逼減價賣走佢。

西甲轉會窗9月2日先至關閉，皇馬仲有時間可以等待機會低價吸納，問題係普巴會唔會同皇馬「裡應外合」，逼曼聯出售佢。

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。