國家力量發功 主腦勸沙迪奧文尼上艦

20190714
東網電視
更多新聞短片
(Getty Images)
利物浦前鋒沙迪奧文尼將於周一(14日)凌晨零時,為塞內加爾出戰非國盃4強對突尼西亞,塞內加爾足總會長施克認為,呢位27歲射手係時候接受新挑戰,轉投皇馬。
施克:「沙迪奧文尼係世界最佳十大前鋒之一,佢上季為利物浦奪得歐聯冠軍,的確非常成功,仲獲得皇馬垂青。雖然我係巴塞球迷,但都認為皇馬係最佳球會,文尼應該認真考慮一下轉投呢支西甲勁旅,正如佢喺修咸頓踢得好,繼而加盟利物浦,依家係時候去其他聯賽接受新挑戰。」
早前有傳「銀河艦隊」皇馬計劃送上馬高阿辛斯奧,再加一大筆轉會費收購沙迪奧文尼,依家仲有塞內加爾足總會長施克幫手講好說話,唔知沙迪奧文尼會唔會真係去「接受新挑戰」呢?
立即參加「賞您睇」:http://bit.ly/2JWKULh 
Click下面粒掣,儲on.cc coins!機票、家電、超市禮券、過萬份獎品等緊你。