功臣還功臣 反骨就係反骨 兩樣嘢嚟

2019年07月14日 23:10
東網電視
更多新聞短片
(互聯網)

法國球星基沙文日前終於叫做完成轉會,由馬德里體育會過檔巴塞隆拿,雖然馬體會話條數唔啱,唔想承認單轉會,但基沙文就已經去到巴塞大本影影晒相,着晒波衫做巴塞人,一於話知你!本身幫馬體會效力5季,期間為球隊贏過歐霸盃、西超盃同歐超盃,基沙文點計都係球會功臣名將,而佢因為為球隊上陣超過100次,喺球會嘅傳奇長廊更有塊專屬銘牌,只係因為今次轉會,塊牌就畀球迷瘋狂侮辱,認真陰功。

查實為馬體會出過唔少力,但最終被視為叛徒收場嘅,又點止基沙文一個,之前比利時門將泰拔高圖爾斯由車路士過檔馬體會死敵皇馬,結果呢位前馬體會門神都一樣畀佢哋球迷鬧爆,甚至喺「二五圖」個紀念銘牌度擺假老鼠。依家基沙文個銘牌就畀人貼侮辱性口號,又或者係掉垃圾,總之整到個位污糟核突,估唔到呢個馬體會功臣,都會被球迷視為反骨仔,受到咁對待。

立即參加「賞您睇」:http://bit.ly/2JWKULh 
Click下面粒掣,儲on.cc coins!機票、家電、超市禮券、過萬份獎品等緊你。