火速搞掂！馬古尼飛曼聯做體測！

曼聯收購英格蘭中堅哈利馬古尼就快成事！據英國《太陽報》報道，曼聯已經同李斯特城就轉會費達成協議，以破後衞世界紀錄嘅8,000萬鎊收購呢位頂級中堅，哈利馬古尼周一(15號)就會飛去曼徹斯特做體測，預計短時間內就可以正式官宣！

「紅魔鬼」今次對哈利馬古尼志在必得，轉會費包括基本嘅6,000萬鎊外，再有價值2,000萬鎊嘅浮動條款，總轉會費達8,000萬鎊，打破利物浦7,500萬鎊簽華基爾雲迪積克嘅世界紀錄。

李斯特城方面亦已經預備好接班人，據報佢哋已傾掂白禮頓中堅李維士鄧克，轉會費亦高達4,500萬鎊。

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。