因父之名!施丹大仔依家搞成咁

20190716
東網電視
更多新聞短片
(互聯網/Getty Images)
球壇星二代,喺球圈條路從來點會易行吖!好似法國傳奇球王施丹,佢個二仔盧卡,因為實力唔夠,早前就算喺老竇睇實之下,都被外借去西乙桑坦德。至於施丹大仔安素施丹,近日都宣布要去到加盟葡超弱旅艾維斯,先至搵到工開咋!
24歲嘅安素係皇馬青訓產品,同老竇施丹一樣係進攻中場。細個佢做過皇馬B隊隊長,當時都惹嚟唔少期望,可惜之後升正一隊唔可以再靠關係,要有真材實料,結果佢只喺老竇安排之下踢過場西班牙盃,2017年夏天仲被賣走去艾拉維斯添!
失去老竇照顧,出外就要考實力,安素喺艾拉維斯半年只得4次上陣機會,結果去到2018年1月就被解約,之後佢去咗瑞士加盟洛桑體育會,然後半季幫洛桑上陣16場入2球。直到舊年夏天,洛桑體育會都頂佢唔住,決定將佢借去西乙馬亞達洪達,然後全季佢上陣33場冇入波,球隊排尾四降班。連西乙都踢唔掂,安素最後返洛桑又被解約,超陰功。
職業生涯經歷兩次解約,安素唔止唔及老竇,就連做職業球員都好似有難度,好彩,依家佢又搵到新東家,就係上季排葡超尾5嘅艾維斯。呢隊波今季目標話明係護級,希望安素唔好再失禮老竇,爭番口氣啦!
立即參加「賞您睇」:http://bit.ly/2JWKULh 
Click下面粒掣,儲on.cc coins!機票、家電、超市禮券、過萬份獎品等緊你。