全城插爆逆民意班主　紐卡素官宣請布魯士

你有你鬧，佢有佢做呀！正喺中國南京出戰英超亞洲盃嘅紐卡素，今日球會官方正式宣布，聘用前曼聯名將布魯士做新領隊，相方簽約3年。本來搵到新帥接替賓尼迪斯，唔使再冇人打理球隊，理應點講都係好事，不過，「喜鵲」今次聘用布魯士，原來根本係得罪晒全球「紐迷」，事關布魯士曾經執教過紐卡素宿敵新特蘭兩季，早被球迷視為敵對人士；加上布魯士過往領軍生涯戰績唔掂，結果勁多「紐迷」都鬧爆佢哋班主艾殊利，插佢唔理民意衰到爆！

紐卡素今日發官方聲明宣布聘用布魯士，而呢位早前先辭去英冠鍚周三領隊職務嘅58歲教頭就表示：「呢間係我自小支持嘅球隊，亦係我爸爸嘅球會，所以今次對我同我家人嚟講都係好特別嘅時刻。」雖然賣晒口乖，不過大部份紐卡素球迷都似乎唔多願意接受佢，似乎布魯士嚟緊條英超路都會好難行。

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。