巴塞加碼　兩球員加8.7億換尼馬

唔止足球睇波，仲有24小時滾動賠率，即時體驗：https://bit.ly/2UmNL0L　

尼馬為求離隊已經同巴黎聖日耳門決裂，現時只有巴塞隆拿有興趣回購尼馬，不過之前提出嘅條件都未能打動PSG，英國《太陽報》報道，巴塞繼續加碼，以兩名球員加現金9000萬鎊(約8.7億港元)交換尼馬。

尼馬兩季前由巴塞加盟PSG嘅轉會費係1.98億鎊，巴塞提出嘅方案，9000萬鎊只能買到半個尼馬，另一半就以兩個球員代替，至於係邊兩個球員？當然唔會係美斯，而係指定嘅5個球員其中兩個。

5位巴塞球員計有奧士文尼迪比利、菲臘比古天奴、拿傑迪錫、馬爾甘及尼爾遜施美度，報道指，其實上述球員最有吸引力只有兩個，就係迪比利同古天奴，亦以兩人身價最高，換咗番嚟再賣都有賺，PSG揀佢兩個加現金交換尼馬，應該都冇乜蝕底。

立即參加「賞您睇」：http://bit.ly/2JWKULh