夢想FC退出 「握手哥」解甲從商

20190727
東網電視
更多新聞短片
「握手哥」梁子駿(左)決定退役從商,經營足球學校。  (資料圖片)
隨着夢想FC退出港超聯,現年34歲的「握手哥」梁子駿,決定退役從商!
「無法啦!我都等咗一段時間喇,既然冇球隊用得着我,同老婆好認真咁商量過之後,都覺得係時間停落嚟喇。」「握手哥」道。「有冇唔開心?雖然17年有多嘅職業球員生涯,就咁無聲無息完結,但我冇唔開心亦冇唔甘心,始終我個年紀係時候退落嚟。」
曾經在大大小小訪問中提過,自細便向父母表明,對家族海鮮生意丁點兒興趣也沒有,就算早排與太太「阿Ting」合資在馬灣經營Pizza店,也鮮會到舖頭走上前線。如今竟決定掛靴從商,理由何在呢?「吓?我對海鮮生意冇興趣啫,冇話對做生意冇趣呀!之前仲踢緊波,邊有精神同時間落舖頭啫!依家唔同,我唔做生意唔通等老婆養咩!哈!哈!」原來如此,之前誤會了,要跟你說對不起嗎?
至於從甚麼商,就讓「握老闆」親自介紹吧!「老咩闆呀!股東仲有『思明』(即前東方沙龍球員李思明)兩公婆,同埋『阿文』(即前東方沙龍球員姚學文),我哋頂咗一間足球校嚟做,雖然冇得再踢波,但搞足球學校都係同足球有關呀,希望可以成功啦!」「子駿」表示有關其足球學校之詳情,稍後將會再有公布,並且感謝過去17年多,給予過其機會的球隊班主、領隊和教練,以及支持過他的球迷和傳媒朋友。