小蘇B上陣鬥曼聯　表現似紙板公仔

曼聯喺周三(31日)凌晨熱身賽作客挪超球隊基斯迪辛德，最大亮點係紅魔主帥蘇斯克查嘅大仔諾亞首次為一隊上陣，不過佢係為基斯迪辛德披甲鬥曼聯。

呢位19歲星二代係基斯迪辛德青年軍球員，由於今場對手係曼聯，教練米高遜做個順水人情，提升諾亞上一隊，踢到83分鐘，仲派佢上陣，同老竇蘇斯克查打對台。

雖然爸爸係出色射手，但諾亞司職中場，可能係佢職業生涯「處子戰」，表現明顯比較緊張，唔敢出腳攔截對手，而且動作比較慢，畀對手話過就過，相信仲有排磨練，最唔好彩係佢落場之後，基斯迪辛德就輸波。

除咗諾亞之外，蘇斯克查仲有個細仔艾利亞，三父子今場一齊合照，非常溫馨，勝負已唔重要。

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。