【曼聯巨購】紅魔益街坊　幫侯城袋1.1億

曼聯將以8000萬鎊收購李斯特城中堅哈利馬古尼，只要呢位26歲英格蘭國腳通過體測，就會簽約5年，周薪達到20萬鎊。紅魔鬼獲得猛將助陣，李斯特城收到巨額轉會費，原來背後仲有一個大贏家，就係英冠球會侯城。

侯城2017年以1700萬鎊將哈利馬古尼出售畀李斯特城，合約內有一個條款，就係李斯特城將來賣走哈利馬古尼，侯城可以分到15%轉會費，佢依家賣到8000萬鎊，換言之侯城分到1200萬鎊(約1.1億港元)，真係無本生利，亦要多得曼聯出咁高價，侯城先至有呢筆額外豐厚收入。

李斯特城領隊羅渣士承認會方已經接受曼聯嘅報價，佢都認為今次轉會費太瘋狂。不過，對羅渣士而言，可能係好事，因為有一大筆資金可以收購多幾位球員，提升實力。

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。