迪馬利亞超級罰球　PSG復仇成功！

法冠盃於中國深圳舉行，星光熠熠嘅巴黎聖日耳門大戰雷恩。上屆法足盃雷恩爆大冷壓倒PSG捧盃，尼馬仲因為受對方球迷挑釁還擊被罰停賽3場，今戰只能做觀眾。雖然先失1球，但PSG質素超群，憑基利安麥巴比扳平，之後仲有迪馬利亞射入超級罰球，反勝2:1捧盃。

PSG以波論波，高對手唔只一皮，但球隊明顯仲未上晒力，今仗先失1球。去到57分鐘PSG右路發難、殺入禁區後交橫，麥巴比趕到輕易射入。到73分鐘PSG於禁區頂得到罰球，迪馬利亞又出佢隻黃金左腳，彎過人牆近柱入網，門將只能企定定睇住個波入網，最終反勝2:1復仇成功，中國球迷睇到呢班巨星捧盃，肯定過足癮。

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。