【一槌定音】普巴去留？蘇斯克查4個字回應

曼聯中場保羅普巴去留問題，糾纏咗成個暑假之後，隨住英超轉會窗即將完結，終於去到決定性時刻，傳聞該法國中場罷踢曼聯最後1場熱身賽對AC米蘭，賽後蘇斯克查被問到保羅普巴嘅情況，「蘇B」就話：「保羅普巴並冇受傷，佢只係有啲唔舒服(背部)，呢個時刻我係唔會冒險，預期佢呢個星期初會復操。」

最關鍵嘅問題，保羅普巴會唔會留隊？蘇斯克查就直接回應：「無庸置疑」。

事實上，曼聯如果放保羅普巴離隊，必定要先物色替補人選，但係英超轉會窗仲有幾日就完，意味曼聯唔夠時間買人，所以保羅普巴幾乎可以話係鐵定留隊。

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。